ගල්පොත සෙල්ලිපිය......

දැනට ශ්‍රී ලංකාවේ සොයාගෙන ඇති විශාලතම සෙල්ලිපිය ලෙස ගල්පොත සෙල්ලිපිය හැදින්විය හැකිය.නිශ්ශංක මල්ල රජතුමා විසින් පොතක් මෙන් විශාල ගලකින් සකස් කර ඇති ගල්පොත සෙල්ලිපිය පොලොන්නරුව පුරාවිද්‍යා ස්මාරක අතර ඇති වැදගත් ස්මාරකයකි.චතුරශ්‍රාකාර හැඩයෙන් යුත් ගල්පොත සෙල්ලිපිය මීටර් 8ක් දිගින් හා මීටර් 4.3 ක් පළලින් (26'.10"×14'.7") යුක්ත වන අතර මෙය මිහින්තලේ සිට ගෙන ආ බවට එහි එක් පැත්තක සදහන්ව ඇති "ශ්‍රී කාලිංග චක්‍රවර්තී ස්වාමීන් වහන්සේ ඇති කළ නිශ්ශංක භටයන් ලවා අධිකාර කොට දනව් වන්දනාවන් සෑගිරියෙන් ගෙන් වූ ශිලා ගලයි" යන වාක්‍යයෙන් පැහැදිලි වෙයි.එහිම පටු ස්ථානයේ වීරාසනයෙන් වාඩිවී සිටින ලක්ෂ්මී දේවියගේ හිසට ඇය දෙපසින් ඇතුන් දෙදෙනෙක් හොඩයෙන් ගත් පැන් කලවලින් අභිෂේක කරන ආකාරය දැක්වෙන ඉතා කළාත්මක ගජලකෂ්මී කැටයම අගනා නිර්මාණකි.ඉතා උසස් ආකාරයෙන් නිශ්ශංක මල්ල රජු හා රාජ වංශය මෙම සෙල්ලිපියේ වර්ණනා කර ඇත.තවද ඉන්දියාව වැනි රටවල් ආක්‍රමණය කළ ආකාරය හා ඉන්දුනීසියාව ආදී රටවල් සමග ඇති කරගත් මිත්‍ර සම්බන්දතාවයන් පිළිබඳවද රට ජාතිය හා බුද්ධ ශාසනය වෙනුවෙන් කළ කාර්යන්ද..නව ඉදිකිරීම් හා ප්‍රතිසංස්කරණ කටයුතු..රජුගේ දානමාන කටයුතු රාජධානිය ස්ථාපිත කිරීම පිළිබඳ තොරතුරු මෙම ලිපියේ දීර්ඝ වශයෙන් විස්තර කර ඇත..සමකාලීන පාලි සස්කෘත වචන බහුල වශයෙන් ඇතුළත් කර මිශ්‍ර භාෂාවෙන් මෙය රචනා කර ඇත....