තවමත් සොයා ගැනීමට නොහැකි වූ දෙවන ගජබා රජුගේ මණ්ඩලගිරි ගල් සන්නස

පොලොන්නරු රාජධානි සමයේ මහා පරාක්‍රමබාහු රජු හා දෙවන ගජබා රජතුමා අතර මැදිරිගිරියේ දී ඇති වූ ගිවිසුමක් පිළිබදව වංශ කතාවල සදහන් වේ..නමුත් එම ගිවිසුම පිළිබදව සදහන් ශිලා ලේඛන කිසිවක් මේ වන තෙක් මැදිරිගිරිය ප්‍රදේශය ආශ්‍රයෙන් සොයා ගැනීමට හැකිවී නොමැත...එහි පිටපතක් කුරුණෑගල සංගමුව විහාරයේ තිබී සොයාගෙන ඇත......

මහා පරාක්‍රමබාහු රජතුමාගේ රජ සමයට පෙර..මහා විජයබාහු රජතුමාගෙන් පසු අතර වූ කාල පරිච්ඡේදය   පොලොන්නරුව ඉතිහාසයේ රාජ්‍යත්වය උදෙසා බොහෝ කැලඹීම් ඇතිවූ කාල වකවානුවක් ලෙස හැදින්විය හැක...රුහුණේ බලය තහවුරු කරගත් මහා පරාක්‍රමබාහු රජුට මුලු දිවයිනේම පාලන බලය තමා සතු කරගැනීමට අවශ්‍ය විය..ඒ සදහා තම තම සොහොයුරෙකු වන දෙවන ගජබා (ක්‍රි.ව 1132 - 1153) රජු සමග සටන් වැදීමට ඔහුට සිදුවිය..ඉතා දරුණු සටන් මධ්‍යයේ පොලොන්නරුව අත්පත් කර ගැනීමේ ඉතා ආසන්න අවස්ථාවට පරාක්‍රමබාහු රජු පැමිණියද එම අවස්ථාවේ සිදුවන ජීවිත හා දේපල විනාශය දුටු මහා සංඝරත්නය ඊට මැදිහත් විය...රජුන් දෙදෙනා අතර සාකච්ඡා පවත්වා සමගිකොට දෙවන ගජබා රජුට හා මහා පරාක්‍රම බාහූ රජුට කොන්දේසි පැනවීය.එම කොන්දේසිය වූයේ මිය යන තුරුම දෙවන ගජබා රජුට පොලොන්නරු රාජධානියේ රජකම ලබාදිය යුතු බවත්..ඔහුගෙන් පසු අනිවාර්යයෙන්ම මහා පරාක්‍රමබාහු කුමරුට පොලොන්නරු රාජධානියේ රජකම ලබා දීමට ඔහුගේ කැමැත්ත ප්‍රකාශ කළ යුතු බව‍ත් ය...මේ සම්බන්ධයෙන් තමාගෙන් පසු මහා පරාක්‍රමබාහු රජුට සිහසුන හිමිවන පරිදි දෙවන ගජබා රජු විසින් මණ්ඩලගිරි විහාරයේ ගල් සන්නසක් කළ බවට වංශකතා වල සදහන් වේ..නමුත් තවමත් එම ගල් සන්නස මැදිරිගිරිය පුරාවිද්‍යා කැණීම් තුළින් සොයා ගැනීමට නොහැකි වී ඇති අතර එම සන්නසේ පිටපතක් කුරුණෑගල දිස්ත්‍රික්කයේ පිහිටා ඇති සංගමුව රජමහා විහාරයේ තිබී සොයාගෙන ඇත.